Silla orðin 24 ára!!!

Silla átti afmæli í gær, en þar sem hún var að vinna að þá verður afmælispartýið ekki fyrr en næstu helgi eða nánar tiltekið þann 4. mars. En það var fínn dagur í gær, þar sem maður var boðinn í eitthvað bollukaffi og síðan var það bara Lækjarbrekka sem varð fyrir valinu á kvöldmatnum. Annars varð hún mjög ánægð með gjafirnar frá mér :D...

Annars er lítið að frétta af mér maður er bara að vinna og læra, maður er reyndar núna undanfarið að fá aukavaktir í félagsmiðstöðum og það er bara gaman að því. Síðan er gaman að því að Viggi, Elli og Andri eru búnir að staðfesta komu sína. Elli setti reyndar þann fyrirvara á að hann kæmi ef það kæmi ekkert skemmtilegra upp hjá honum það kvöld...

Í hvaða mynd var þetta lag?

Maður er að verða vitlaus hérna, það er lag sem maður var að heyra á netinu sem á að vera í einhverri mynd, en ég er bara ekki að átta mig á því í hvaða mynd þetta lag var í. En fyrir þá sem vilja spreyta sig þá geta þeir heyrt lagið hér

Skiptar skoðanir

Það er greinilegt að þegar maður skoðar skoðunarkönnunina sem er uppi hjá Vigga að það eru ekki margir sem hafa trú á því að Egill eða Andri eigi möguleika á því að verða fyrstir til að eignast barn. Það eru mjög skiptar skoðanir á því hver það verður því að Ég, Viggi og Elli erum með jafnmörg atkvæði eða 4 atkvæði hver...

Ég vill bara koma því á hreint að það er ekkert að gerast í þeim málum á næstunni hjá okkur og ég tel að það ætti að vera Viggi með öll þessi atkvæði, hann er farinn að tala um að kaupa húsnæði fyrir börnin sín. Þannig að ég held að hann er kominn lengst í því að pæla í barneignum...

Hvað er málið???

Ég var að koma heim rétt í þessu af námskeiði sem er í boði í einni vinnunni sem ég er í. Það er svosem ekki frásögufærandi en það að þegar að ég kom heim sé ég að það var missed call á heimasímanum. Þegar að ég fór að skoða það betur þá reyndust vera 7 missed calls frá sama símanúmerinu, en það reyndist vera þjónustusími hjá Hive. Fyrsta hringing klukkan 21:13 og síðasta hringing klukkan 22:02. Er svona áríðandi að kynna mér eitthvað tilboð sem ég mun ekki taka að það þurfi að hringja í mig 7 sinnum á innan við klukkutíma???

Hvað er eiginlega málið með það???

Lancer

Þá er það lokið, Lancerinn er farinn í endurvinnslu. Maður var búinn að eiga og lifa með þessum bíl í 6 ár og það kom að því að maður henti honum, auðvitað hefði maður viljað fá eitthvað fyrir bílinn. Það var bara einhver bilun sem var ekki að finnast og síðan var smá viðhald sem þurfti á honum, þannig að ekki borgaði sig að reyna að lagfæra það. Mín ákvörðun varð að fara bara og afskrifa bílinn þó að það hafi verið erfitt en eftir dágóðan tíma af umhugsun og tíma til að reyna að lappa uppá hann að þá tók hann þá ákvörðun að sína mér meðan að ég var að keyra í skólan í gær hvað það var sem að hann vildi að ég gerði við hann. Þannig að ég dreyf mig bara að fara með hann á Vöku í gær og síðan var í ég að skila inn pappírunum í dag. Reyndar fæ ég ekki peninginn alveg strax, því að ég ákvað að láta þau bara leggja peninginn inn að þá tekur það einhvern extra tíma heldur að láta mig hafa peninginn beint. Annars er bara nokkuð mikið að gera í skólanum þessa dagana, þannig að það er ekki mikið að frétta af mér eða Sillu þessa dagana...

Reyndar á Silla afmæli síðar í mánuðinum og verður haldið party fyrir útvalda 4. mars næstkomandi...

Mánudagsþreyta

Það er búið að vera slatti að gera hjá mér þessa helgi, maður var að vinna í báðum vinnonum og gat þar að leiðandi ekkert hjálpað mömmu eða salla að mála í nýju íbúðinni...

Annars er maður bara dauðþreyttur á þessum mánudagsmorgni, það tekur á að vakna á hverjum morgni klukkan 7. Ég var að labba áðan á milli bygginga í háskólanum og var að labba á göngustíg á milli trjáa, þegar að maður var að skoða lífið í kringum mann þá tók maður eftir að fuglarnir sem voru í kringum mann voru ekkert að flúgja í burtu. Greinilega orðnir vanir því að það er eitthvað fólk að labba í kring á þessu svæði sem lætur þá í friði...

Við því er að bæta að það hefur komið upp einhver ósiður í hálsinum á mér, það er að láta mig fá hóstaköst, einna helst á kvöldin þegar að ég er að fara að sofa. Einnig hef ég verið að vakna á milli 6 og 7 til að vera að hósta á fullu. Þannig að maður er ekki mjög vinsæll á morgnanna, skil samt ekki að núna í síðustu þrjú skipti sem ég hef litið á klukkuna að þá er hún 6:42 þannig að þessi hóstaköst virðast vera eitthvað tímastilt...

Typpatal

Ég og Silla fórum á typpatal með Audda áðan, þetta var nú bara helvíti skemmtileg show. Hann var að skjóta á fullt á fólki úr skemmtanabransanum sem hann er búinn að vera vinna í kringum í gegnum tíðina líklega, allavega voru það annsi kunnugleg nöfn sem tengjast honum sem hann var að minnast á. Allavega var þetta mjög fyndið show og ég held að ég myndi gefa því svona þrjár og hálfa stjörnu, samt að nálgast að vera 4 stjörnur...

Síðan eru aðrar fréttir þær að mamma var víst að fá íbúðina sína afhenta, þannig að hún getur farið að flytja inn um helgina, bara leitt að tilkynna henni það að þetta er vinnuhelgin mín, þannig að það er ekki mikið sem ég get gert til að hjálpa þessa helgina. Annars var nú búið að fara með allt hennar dót í eitt herbergið í húsinu, þannig að það er kannski ekki mikið sem þarf að gera annað en að tæma það herbergi og raða dótinu, en allavega til hamingju mamma og Salli með að vera búin að fá íbúðina afhenda!!!

Til hamingju pabbi!!!

Það er bara ekkert annað að gerast en að pabbi er að tölvu væðast, gamli kallinn er bara að kaupa sér tölvu í fyrsta skipti og hefur ekki svo ég vitað kunnað mikið á svoleiðis tól áður. Þannig að maður vonast eftir að það eigi eftir að ganga vel að læra á hana...

Annars vill ég líka óska honum til hamingju með nýja bílinn!!!