Á morgunn

Á morgunn segir sá lati, en það er ekki í þessu tilviki. Maður er búinn að vera að bíða eftir að sá dagur rennur upp að maður er að fara í aðgerðina og það er á morgun. Þetta verður vonandi bara allt í lagi, maður lifir á verkjatöflum næstu daga á eftir og svo verður innflutningsparty næsta laugardag (vona að ég verði orinn sætur og fínn þá). En mun samt líklegast líta út eins og hamstur, þannig að ég efast mikið um það að ég eigi eftir að blogga mikið næstu daga, en samt kannski eitthvað...

Veikur!!!

Ég er barasta orðinn veikur, fann það reyndar fyrst í gærmorgun. Í dag er ég ekkert búinn að skána. Síðan er þetta vinnuhelgin mín, það er allavega skárra að það er þessi helgi en ekki sú næsta. Það væri ekki gaman að vera veikur að halda party...

Annars var ég með 6 manna fjölskyldu í mat í gær, það heppnaðist ágætlega. Fórum og fengum okkur mexíkanskan mat. Það var ekki ódýrt get ég sagt ykkur. Síðan var stelpan ekkert að segja mér frá því að þau væru að bjóða uppá barnamáltíðir, sem hefði getað sparað manni alveg helling...

(ÞESSI TEXTI ER EKKI FYRIR VIÐKVÆMA)
Núna sit ég bara uppá Bókhlöðunni að drepast í hálsinum og virðist sem að það ætli að vera bara að leka eins og vatn útúr nefinu mínu...

Er maður klikkaður???

Það var nú ekki skemmtilegt að keyra heim á mánudaginn, það var svoleiðis raðirnar útum allt, löggan að stýra umferðinni og læti. Maður var að hugsa um að vera á Bókhlöðunni til svona 18, til að losna við alla umferðarhnútinn sem skapast á milli hálf fimm og hálf sex. En það var síðan bara einn versti hnútur sem maður hefur kynnst í langan tíma (frá því að það var ekki búið að breikka Gullinbrúna). En annars átti maður bara notalegt kvöld með að passa 4 börn. Það tók aðeins á en bara gaman...

Síðan á þriðjudag var maður að vinna eins og alla daga, það er greinilegt að veturinn er kominn. Það er alltaf svo kallt núna þessa dagana. Þannig að maður er aftur kominn í sömu sögu og í fyrra, þyrfti eiginlega að vera í kraftgalla á meðan að maður er að vinna. Það er svo kallt þarna inni á meðan að loftþræstingin er í gangi. Síðan er ekki hægt að slökkva á henni, því að þá verður svo heitt og loftlaust þarna inni. Það er eiginlega bara óþægilegt að anda að sér þá...

Síðan er spurningin, er ég klikkaður? Ég vaknaði í morgun klukkan 8 í morgun til að fara að baka, því að ég var búinn að lofa köku í kvöld fyrir þá gesti sem ég er að fara að fá í mat. Þar sem ég hafði ekki komist í það að gera kökunna, tók ég bara á það ráð að fara að baka klukkan 8 í morgun. Það eru ekki allir jafn klikkaðir (fyrir utan bakara) að vakna svona snemma til að baka :)...

Það þarf líklega ekki að minna á 5. nóvember lengur, en Elli þú baðst um að láta minna þig reglulega á þetta :)...

Mánudagur

Þá er helgin búin og ekkert sérstakt sem gerðist um þessa helgi. Það var bara "chill" alla dagana, það heyrðist eitthvað í einum manni (honum Vigga á laugardag), hann eitthvað að leiðast þófið, langaði að fara að gera eitthvað. Þannig að hann hringir í mann um miðnætti. Hvað er maður að gera í kringum miðnætti á laugardeigi. Ég held að ef maður er ekki þegar farinn út, þá er maður ekki á leiðinni út þegar að þarna er komið, nema að maður sé í góðra vina hópi og farinn að skála...

Ég hitti Ella á föstudaginn, hann var að segja mér þær fréttir að hann væri að bjóða sig fram í prófkjöri Sjálfstæðisflokksins í Garðabæ, hann er að sækjast efit 4-5 sæti. Ef hann nær því, þá er hann líklega kominn í bæjarstjórn Garðabæar, þar að segja, ef þeir halda velli...

P.s. ekki gleyma partýinu, þann 5 nóv.

Nýársdagur í gær

Eftir skóla í gær þá var farið út að borða til að fagna tímamótum í sambandi okkar Sillu, við vorum búinn að ákveða, eftir að hafa verið að skoða netið, hvert við ætluðum að fara. Síðan þegar að við komum þangað, þá var Naustið bara lokað. Þannig að við röltum bara á Kaffi Reykjavík, það var svosem allt í lagi að vera þar. Það var samt smá kallt þarna inni, það gleymdist að láta okkur hafa brauðið meðan við vorum að bíða eftir matnum og við vorum með, ekki íslenska þjónustustúlku, sem virtist ekki kunna matseðilinn mjög vel. Annars áttum við Silla bara ágætt kvöld hjá okkur, notalegt og kosý...

Annars er maður alltaf að hneikslast á klæðnaðinum hjá stelpum, það er ótrúlegt hvað það er oft verið að hanna buxur eða mini skirts, sem eru ekki það sem stelpur vilja beint, en þetta er í tísku og þá kaupa þetta allir. Það er eins og buxur sem eru svo stuttar, að þegar að stelpur setjast niður eða beygja sig aðeins, þá kemur í ljós nærbuxnar sem þær eru í. Einnig er maður að sjá þær vera toga niður bolinn sem er ekki nógu langur til að hylja það sem buxurnar hilja ekki. Hvaða gagn gerir þetta? Það er erfitt að segja hvað það er sem veldur að stelpur sækjast í það sem þeim líður ekki alveg nógu vel með. Eins og ef maður lítur í kringum sig núna. Þá sér maður nokkra G-strengi núna, gella í einum bleikum, önnur í röndóttum (rauðum og bláum. Ein er þarna í svörtum T-streng, á þeim 15 mín sem ég hef setið hérna, þá eru stelpurnar alltaf að laga bolinn svo að þetta sjáist ekki. En bolurinn er kominn aftur upp um hana þegar að hún sest niður aftur. Síðan í gær var ég í klyppingu, þá var þar ein stúlka sem var í stuttu pilsi, sem náði ekki neðar en það að maður hefði verið að horfa á nærbuxnar, ef hún hefði ekki verið í svörtum sokkabuxum (þykkum sokkabuxum). Þannig að það hugsunin var meiri, afhverju er hún í þessu pilsi, það var ekki að gera neinn tilgang annað en að gera strik á sokkabuxurnar. Þessi tíska er greinilega búinn til, til að vera ögrandi fyrir stráka. En er það að gera sig, er markmiðið að halda í einhverja tísku sem er nánast fyrir þá perra, sem eru horfandi útum allt, vonandi eftir að sjá G-streng koma í ljós þegar að hann sér flotta gellu. Hvað er hann að græða á því? Punkturinn með þessari færslu er sá, afhverju eru stelpur að ganga í fötum, sem þeim líður ekki alveg nógu vel í, en eru samt í þessu því að þetta er aðal tískan. Afhverju eru stelpur ekki í fötum, sem að þær geta verið í, án þess að vera að toga upp um sig, eða toga bolinn niður um sig aðra hverja mínotu? Afhverju reyna stelpur ekki að koma tískunni á þann stall sem þeim finnst að fötin mættu vera á til að gera þau sem þægilegust og láti þeim líða vel með sig og þurfi ekki að hafa áhyggjur af því að þær eru að sína meira en þær vilja???

P.s. munið eftir 5. nóvember, það verður gaman þá :P

Dagur á Bókhlöðunni

Það gerðist svosem ekki mikið á Bókhlöðunni í gær fyrir utan það að maður var að læra á fullu, svo var verið að leita að heimildum fyrir ritgerð hjá mér. Það var ekkert að ganga að finna einhverjar heimildir, ég var alveg að verða brjálaður og var að huga að því að fara að koma mér út og aðeins að anda og huga að einhverju öðru rétt á meðan. Þá komu inn tvær ljóshærðar gellur, þannig að maður hugsaði að það væri kannski eitthvað varið í það að vera þarna aðeins áfram. Það kom síðan í ljós að þetta voru svona ekta ljóskur sem hugsuðu bara um sig. Það byrjaði með því að önnur þeirra byrjar á því að skipta um buxur, fer úr þröngu gallabuxunum, til að fara í einhverjar joggingbuxur, þannig að maður fékk smá að njóta þess að sjá rauðar blúndunærbuxur, það voru engin hár sem maður sá, þannig að hún var greinilega vel rökuð. Síðan þegar að hún er búinn að skipta um buxur fer hún eitthvað að spjalla við vinkonu sína og þær eitthvað að hlæja og gantast, síðan endar það á því að hún tekur upp einhverja köku sem var í einhverjum skrjáf pappír. Þá gafst ég upp, það voru of mikið af látum í þeim, þannig að það var ekki hægt að einbeita sér á að læra. Þannig að ég stóð bara upp og fór...

hmmm

Það var um daginn sem ég var að vinna, þá var ég þar að tala við einn strák sem er að vinna á Hróa, hann er búinn að vinna þarna í allt sumar. Hann er í 10. bekk núna, við vorum að tala um eitthvað tengt aldri og ég segji að ég sé 23ja ára, hann sípur hveljur og segir, "ha, ertu bara 23ja, ég hélt að þú værir eitthvað kominn yfir þrítugt" ég varð eitt spurningar merki. Hvernig datt stráknum í hug að ég væri kominn yfir þrítugt, ég spurði hvað móðir hans væri gömul, þá sagði hann mér að hun væri 32ja. Alveg eins og ég væri jafn gamall móður hans. Hvað er að gerast, eru krakkar orðnir veruleikafyrtir. Ég kominn yfir þrítugt, það meikar bara ekki sens, hvernig getur nokkrum manni dottið þetta í hug???

Síðan um daginn, vorum við Silla á leið í smá Pool, fórum í Faxafenið. Ekkert mál með það, það er komið kvöld, þannig að það er 18 ára inn. Ekkert mál við löbbum inn og erum að huga að því að skipta pening til að setja í borðin, en þá spyr gaurinn hvort að Silla sé ekki með skilríki. Hvaða heilvita maður sér ekki að Silla er eldri en 17 ára. Við hlógum að þessu í byrjun, en honum var alvara, þá fannst mér þetta ekki jafn fyndið. Eins og ég kominn yfir þrítugt sé með einhverri gellu sem er bara 17 ára??? Hvað er að fólki nú til dags???

Það er hægt að bæta því við að Sillu fannst þetta bara fyndið, en mér fannst bara meira móðgandi hvernig hann brást við þegar að ég var að gera grín að honum með þetta, hann varð svo alvarlegur, eins og þetta væri háalvarlegt mál...

Ég vil bara minna á það, að það er innflutningsparty þann 5. nóv hjá okkur Sillu, vinir velkomnir, vandamenn einhverntíman síðar :)...

Ekki verið að láta mann vita...

Heyrst hefur að Egill Bjarki sé bara löngu fainn að blogga, ekki hafði ég humgynd um það fyrr en áðan, þannig að ég óska honum bara til hamingju með það og lét fylgja link til hans hér til hliðar...

5. nóv

Góðan daginn fólk, nú er maður búinn að vera læra og læra síðustu daga (var í prófi í síðustu viku), en núna er maður aðeins farinn að slaka á aftur og farinn að skipuleggja lífið í Brekkuseli. Núna erum við búinn að finna góða dagsetningu fyrir innflutningsparty, sem sníkjudýrið hann Viggi er búinn að vera að væla með síðustu 8 mánuði (þó að ég hafi bara búið þarna í 2 mán). Dagurinn góði mun verða hinn víðfrægi 5. nóv. Það verður sko áfengi drukkið, lög sungin og kannski einhverjir dansar teknir. Þetta mun verða svo gróft party að það er ekki við hæfi annarra en útvalda. Þeir sem commenta á þennan post, geta verið valdir af handahófi til að mæta, ef okkur líst vel á viðkomandi...

P.s. Viggi það verður nóg af sætum stelpum!!!

P.p.s Kata neinei það verður það í raun ekki...

Boring...

Ég sit hér núna á bókhlöðunni, er að taka mér aðeins pásu frá því að lesa. Er búinn að komast að því að betri helmingurinn af lestrarefninu til prófs er heima. Þannig að núna verð ég bara að einbeita mér af því sem ég hef. Annars var síðasta helgi bara róleg og góð. Það var fínt að vera í frí, það var nú ekki mörg helgarfríin sem ég fékk meðan maður var á fullu á Hróa. Þessa helgi gat maður bara verið að slappa af og njóta lífsins, auk þess að læra smá. En ætli maður verði ekki að halda áfrm að læra fyrir prófið á fimmtudaginn...

Gamall eða ekki gamall?

Það var farið í einhverja ferð í gær með Félagsráðgjöfinni (Það sem Silla er í). Það var rúta semvar að rúnta um og fólk að drekka og skemmta sér. Það var farið í einhverja leiki og gaman bara. Síðan þegar að þessari rútuferð var lokið, Þá var farið á October fest. Sem er skemmtun á vegum þýskunema. Það sem er hálf spaugilegt við þetta allt saman, er það að rútan lagi af stað um 6, við vorum kominn á October fest um 9 leitið og síðan vorum við á leið heim um 11. Maður er ekki alveg að standa sig í þessu djammi. Það hefði örugglega verið hægt að kveikja á sjónvarpinu og horfa á föstudagsmyndina á RÚV :D...

Annars var bara ekkert meira að gerast núna. Maður er að fara í próf í næstu viku þannig að maður er aðeins að spara sig fyrir það að geta lært eins og vitleysingur næstu daga...

Fólk að fýta sér...

Það er nú skrítið stundum þegar að maður fer að hugsa um það, hvað það eru margir sem eru að brjóta umferðareglurnar, af því að það er svo mikið að flýta sér. Það er ekki eins og ég sé alsaklaus af því. En samt er það sem ég geri bara smáatriði miðað við suma. T.d. í gær voru 2 eða 3 bílar sem ég sá fara yfir á rauðu bara til að vera ekki að bíða að óþörfu. Annað skiftið þá var það á gangbraut, leið og fólkið var komið framhjá hans röð brunaði hann af stað, þó að það væri ennþá rautt ljós, síðan um kvöldið, þá var bíll sem fór á eftir mér yfir ljós, ég á gulu. Hann á eldrauðu, síðan á næstu ljósum, þá stakk hann mig af. Hann keyrði eins og brjálæðingur. Síðan toppaði hann það með að fara yfir rautt ljós á beygjuakrein, bara af því að hann sá ekki neinn bíl vera að koma...

Síðan er líka með suma á morgnanna, sem nenna ekki að bíða. Þeir keyra bara á vitlausri akrein og troða sér bara inná akreinina þegar að þeim virðist henta, því að fólk vill yfirleitt ekki tjóna bíla sína, þó að þau séu í rétti. Þannig að þessir lúserar virðast alltaf komast upp með þetta...

Afhverju ekki bara taka lífinu aðeins með ró og lifa aðeins lengur, græðir það ekki miklu meira að vera lifa lífinu og njóta þess. Ekki vera að stressa sig á lífinu og flýta sér að ná sér í magasár. Bara njóta lífsins, hafa gaman af þessu. Þó að það þýði að þeir verði að bíða smáveigis í röð...