Föstudagskvöld

Það er verið að plana að hafa eitthvað skemmtilegt kvöld á föstudaginn og vinahópurinn ætlar eitthvað að reyna að koma saman. Reyndar er það ég sem er að reyna að plana þetta og allir hafa mikinn áhuga á að mæta. Síðan er það Elli sem var eitthvað ekki alveg að treysta sér í það að lofa mætingu en það verður þá bara að hafa það, það er ekki alltaf allir lausir þegar að maður er að reyna að plana eitthvað svona, það ætti að vera hægt að skemmta sér þó að Elli sé ekki. Maður var búinn að reyna að ná í hann í nokkra daga og hann svaraði ekki. Þannig að ég endaði á að hringja í Kötu til að tékka hvort hann væri enn á lífi. Hún er eitthvað að tala um að ég hafi hringt úr private number, en síðan prófa ég að hringja í aðra og þeir segja að það sé ekki private number. Þannig að ég hef komist að þeirri niðurstöðu að ég heiti private number í símanum hjá Kötu...

Lítið verið að gerast síðustu daga...

Það er alltaf sama sagan maður er vinnandi alla daga og hefur ekki tíma fyrir neitt þessa stundina, allavega eftir að ég eignaðist Grand Turismo 4, þá hefur bara allur minn aukatími farið í hann...

Þetta er svo mikill snildarleikur, að talvan mín er bara flutt að heiman, þ.e.a.s. að allt í einu var talvan mín kominn inní stofu og margir farnir að spila í þessum leik þegar að tími gefst hjá fólki...

Smá reynslusaga

Ef þetta getur hjálpað einhverjum sem les þetta blogg, þá hefur það náð ætlunarverkinu sínu, en ég læt þetta hér inn til að sína fólki hvað maður getur verið vitlaus stundum...

Fyrir 10 árum þá fór ég að finna fyrir smá óþægindum, en það var ekki að há mér í starfi eða neitt þannig. Þannig að maður var ekki að drífa sig til læknis, líka vegna þess að þetta fannst mér vera svo viðkvæmt mál, að ég þorði ekki að segja neinum frá þessu, það var líklega líka vegna þess að þarna var ég unglingur og svona nokkuð kannski mjög viðkvæmt fyrir ungling að hugsa um. Ég þorði ekki einu sinni að segja foreldrum mínum frá þessu. Síðan liðu árin og ég lærði að lifa með þessu. Þangað til að ég sagði við mig í fyrra að þetta gæti ekki verið eðlilegt og sagði frá þessu. Í framhaldinu á því þá fór ég til læknis og bað hann að skoða þetta, í framhaldinu var ég sendur í skoðun á Landsspítalan og eftir það skrifaði læknirinn lyfsseðil. Þar sem ég átti ekki pening þá, þá lét ég seðilinn eitthvað til hliðar og gleymdi honum svo og lifði bara áfram með þessu eins og ég hafði gert. Síðan fann ég hann um daginn og fór út í apótek og keypti þetta. Núna næstum 2 vikum síðar er þetta horfið og enginn óþægindi. Veit bara að þetta er eitthvað sem hverfur kannski aldrei, en ef það kemur upp aftur að þá á ég það sem hjálpar mér að vera laus við þetta...

Boðskapurinn er sá að ég lifði með einhverju í 10 ár þegar að ég hefði getað verið laus við þetta eftir viku, þannig að ef það er eitthvað að hrjá ykkur, þá leitið til læknis!!! Ekki vera jafn vitlaus og ég...

Ekkert bull comment á þennan texta...

Lítið að segja...

Vildi bara að segja, að það er búið að vera mikið að gera hjá mér þessa vikunna, annað en að vinna og að skoða fullorðinsdót...

Við erum búin að vera að skoða og þróa húsgagnasmekkin hjá okkur Sillu og hann er bara ótrúlega líkur, þannig að það er ekki mikið um árekstra í þessum efnum, þannig að það verður bara að galdra fram peninga og pláss fyrir innbúið sem við kaupum einhverntíman...

Helgin búin...

Nú er þessari annasamari helgi lokið og enginn hringdi í mig :(...

Annars var ég hvort sem er að opna og loka alla dagana, þannig að ég hafði ekki tíma í neitt annað en að vinna og sofa...

Annað sem mér finnst furðulegt eru krakkar í dag, það er að reyna að vera "cool" með að gera eitthvað öðruvísi. T.d. þá var eitt sinn einhver unglingsstelpa á djamminu fyrir utan Hróa með hundaól og fannst það geðveikt sniðugt, en féll í grýttan jarðveg og hef ekki séð hana síðan. Strákur kom einhverntíman í bleikum fluels náttbuxum með bleikar lúffur og þóttist greinilega vera geiðveikur töffari, hann hefur ekki gert eitthvað þessu líkt aftur. Síðan núna um helgina, þá var stelpa með tannbursta í munninum eins og það væri tannstöngull eða eitthvað, kannski henntugt, þá gæti hún tannburstað sig þegar að henni hentaði. En hvað er málið með krakka í dag? Strákurinn í náttbuxunum meikaði kannski aðeins sense, en stelpa með hundaól eða sú með tannburstan, hvað eru þær eiginlega að hugsa?...

Mikið að gerast á næstunni....

Ég verð að vinna mikið næstu daga, þannig að það verður ekkert hægt að plata mig í að gera eitthvað því að ég verð bara í vinnunni eða heima í rúmminu (mestu leiti sofandi)...

Annars kíkti í aðeins í snóker með Ella í gær, það fór ekki betur en svo en að hann vann báða leikina, það var nú reyndar klúður hjá mér, því að ég gaf honum 17 eða 23 stig í lokinn, sem tryggðu honum sigur, var yfir áður en að þessum kafla kom...

Nú sit ég hér í sorgum mínum og græt mig í svefn yfir þessum úrslitum...

Afmæli um síðustu helgi...

Það var smá að gera hjá mér um síðustu helgi, þar sem maður var að vinna og síðan að eyða tíma með Sillu í tengslum við að hún átti afmæli á laugardaginn, þar sem að hún varð 23 ára...

Föstudagurinn var þannig séð ekkert sérstakur, var bara að vinna úr mér alla orku og fór síðan bara heim að sofa...

Laugardagur, þá var maður að vinna og síðan kíkt í bíó um kvöldið, það var kíkt á myndina Hits sem var verið að forsýna. Verð að segja að þetta var alveg nokkuð fyndin mynd. Mæli með að fólk fari á þessa mynd :)...

Sunnudagur var síðan unnið og farið í kaffi og kökur heim til Sillu um kvöldið, síðan var dreigið upp spil sem kallast Fimbulfamb, sem ég kunni ekki. En það varð bara ágætis skemmtun, þar sem að við vorum eitthvað um 8 að spila það, ég tapaði :(...