Blade Trinity

Ég og Viggi kallinn, kíktum í bíó í kvöld, það var forsýning á 3 Blade myndinni. Það er lítið að segja frá, annað en að aðalgellan var FLOTT, síðan var það gaurinn úr Van Wilder að gera góða hluti með sínu hlutverki. Eina það sem Viggi commentaði á um hann var hvað hann væri massaður. En myndin er bara að láta Snipes líta út fyrir að vera töffara með góðri tónlist og flottum slagsmálaratriðum...

Annars er alltaf mikið að gera hjá mér, þannig að lítill tími hefur gefist til að blogga, en það breytist vonandi einhverntíman, annars í bili hef ég ekkert meira að segja, hálf þreyttur eitthvað. Er að pæla afhverju það er vanillulykt í herberginu mínu, rétt hjá rúmminu...

Hvernig er þetta hægt???

Tíminn bara líður og líður án þess að ég nái að blogga, ekki nenni ég að minnka þann litla svefn sem ég fæ til þess. Annars er ekkert nýtt að frétta, er bara alltaf að vinna og er ennþá með Sillu, Viggi og Elli eru ennþá vinir mínir að ég held. Þannig að þetta er bara allt eins og það á að vera :)

Annars er ekkert merkilegt að segja frá því sem hefur verið að gerast síðustu daga, fór í bíó í gær með Viggi. Við fórum á myndina Saw, sem var svona ekki alveg að gera sig, flott tónlist og sækó klypping, en leikurinn var ekki alveg uppá sitt besta, maður sem var að leika lækninn var sko alls ekki að standa sig, hann ætti að halda sig við myndirnar sem ég man eftir honum úr, en það er t.d. "Hot Shots". en eins og ég sagði þá var hún ekki að gera sig, og söguþráðurinn var svona hálf skrítinn og bauð uppá framhald af myndinni, en vonum bara að það gerist ekki...

En nú er óðum að styttast í jólinn og ekki nema 11 dagar til jóla, sem þýðir víst að það var fyrsti jólasveinninn að koma til byggða, en það var nú víst hann Elli stekkjastaur...

Open Water

Ég kíkti í bíó með Vigga, hann vildi endilega fara að sjá Open Water, þannig við kíktum á hana. Það fyrsta sem ég get sagt um hana er að hún er eitthvað svo raunveruleg, þetta var bara eins og einhver hver önnur hjón á ferðalegi, síðan var söguþráðurinn alveg fínn, þó að það hafi verið hlutir að pirra mann, en kannski er þetta bara svona í real life. Sem er samt fockt up, því að þá skilur maður ekki hvernig fólk getur lifað af...

Í fáum orðum, þá var myndin raunveruleg, öðruvísi og ekki eitthvað sem maður bjóst við, þó að maður hefði nú verið búinn að lesa grein eftir manninn sem gerði myndina, maður vissi svo sem að þetta var low budget movie. Í myndinni var smá um nekt áður en þau voru kominn í sjóinn, var það einna líkast að gaurinn væri að reyna að ná í auka punkta í myndina fyrir að hafa fallega konu þar...

Leikinn grátt!!!

Mig varð hugsi til þess að ég héldi að Elli væri góður vinur minn að mínu mati, en síðan datt mér í hug texti hans á blogginu hans. Það var fyrst núna sem ég var að átta mig á þessi, svikamörðurinn hefur verið með blogg í marga mánuði án þess að segja mér frá því! Eins og er hægt að sjá hér þá segir hann að hann sé byrjaður að blogga aftur og það komi í ljós eftir 10 mín hvort að það verður á þessu bloggi eða öðru. Það segir sig sjálft að þessi færsla kom víst snemma á þessu ári, sem þýðir að það er ansi langt síðan, þá getur ekki annað verið en að hann sé með aðra bloggsíðu sem ég ekki veit af. Mér finnst ekkert gaman að vera leikinn svona grátt af félaga mínum, og ég sem kallaði hann vin minn :P...

Mikið að gera

Það er búin að vera svo busy hjá mér undanfarið, að sá tími sem ég hef getað notað til að blogga hefur verið nýttur í það að sofa. Annars er þetta bara það venjulega, maður er annað hvort að vinna, með Sillu eða strákunum (annaðhvort Elli og Viggi Eða FIFA mót)...

Annars er ég núna búinn að vera kvefaður í 3 vikur, held að Viggi hafi smitað mig en hann kvefaðist á undan. Síðan var ég búinn að vera með hellu fyrir eyrunum í 2 vikur og var orðinn svolítið pirraður, á endanum kíkti ég til læknis á miðvikudaginn og viti menn hann ávísar einhverju á mig og ég er bara laus við hellurnar 2 dögum síðar, annað eyrað í morgun og síðan hitt rétt áðan. Þannig að heyrnin er kominn í lag aftur...

Þið getið rétt ímyndað ykkur hvað það er erfitt að vera ekki með fulla heyrn, fólk var að tala við mann, en maður sá bara varirnar hreyfast. Fyrst við erum að tala um þetta, þá er skemmtilegt frá því að segja að í gær þá lenti ég í því í fyrsta skifti að það kom mállaus maður og ætlaði að panta hjá mér, hann var eitthvað að reyna að segja mér með handahreyfingum hvað hann vildi, það var eftir að hann var búinn að reyna að segja mér það með táknmáli. Á endanum varð það bara skrifað á blað hvað hann var að reyna að segja, síðan var hann svo óákveðinn að það var heilmikill tími sem fór í bréfaskriftir og á endanum þá var það ákveðið hvernig pöntunin átti að hljóða...

Elli æðislegi

Það fer ekki mörgum orðum af Ella æðislega, hann er bara að spila skák í Þjóðarbókhlöðunni þegar að hann er ekki að lyfta með Vigga. Það fer hinsvegar tvennar sögur að því hvað er að gerast í búningsherberginu og kannski ástæða til að Kata fari að vara sig, þannig er mál með vexti að Elli æðislegi hefur stundum tvo til að velja úr í klefanum með sér, er þar verið að tala um þá félaga Vigga og Egill sem eru víst lausir og liðugir. En ætli að það sé ekki bara því að þeir eru að reyna að stinga undan Kötu :D...