Vá hvað er eiginlega að gerast???
Þetta eru úrslitin úr síðustu könnun, þetta var lang besta þáttakan frá byrjun...
Ég vaknaði í morgun tilbúinn að takast á við daginn og snúast aðeins, fer í sturtu og lít svo út um gluggan, það var brjálað veður. En ég læt mig samt hafa það að fara út í bíl og keyra af stað. Það rétt hafðist að fara út götuna mína og þá var maður sloppinn í bili. En síðan á meðan maður var að keyra úr Grafarvoginum og yfir Gullinbrúna, þá sá maður marga bíla sem voru stopp í einhverjum skaflinum, en ég keyrði bara framhjá eins og ekkert var. Ég ætlaði að byrja að fara til vinnuveitandans míns og spjalla aðeins við hann, en ég hætti við þegar ég fattaði að ég myndi ekki getað komist inná bílaplanið fyrir framan staðinn, þannig að ég keyrði afstað eitthvað annað, beigði síðan inná eina bensínstöð, en sat þar fastur vegna þess að það voru bílar fastir og blokkuðu útganginn. Ég nennti síðan ekki að bíða lengur, þannig að ég keyrði bara sömu leið og ég kom til baka. Síðan var það ekkert mál að komast upp í Grafarvog aftur, þangað til að það kom að því að keyra inn götuna hjá mér, þá sat ég bara pikk fastur, en pabbi kom bara á Econline og dró mig inn götuna. Það tók síðan bara mestan tíman að koma mér bara í stæði...
Vegna margra áskorana kom ég hér með vísbendingarspurningu, sem síðan var mjög lítil þáttaka í. Þannig að ég hef ákveðið að taka það út, þangað til að ég hef fengið fleiri áskoranir, eða þangað til að einhverjir eru búnir að svara fyrstu vísbendingunni.
Það er aðfangadagur í dag, ég vil óska öllum gleðilegra jóla...
Spurt er um mann, þessi maður er enn á lífi eftir því sem ég best veit og þó nokkuð þekktur...
Ég er sumsé að hugsa um að byrja með vísbendingarspurningar á síðunni minni, er að vinna í því hvernig ég á að hafa það, en það er hægt að sjá hvernig stigin skiftast hér til hliðar. Þar fyrir neðan verður síðan hægt að sjá hverjir hafa svarað og hvað hann/hún er með mörg stig. Taka skal fram að það er svarað með því að skilja eftir svarið í commentakerfinu, ekki verið tekið svör gild frá þeim sem svara ekki undir nafni. Einnig skal taka fram að það er aðeins einn svarmöguleiki hjá hverjum við hverja vísbendingu, þannig að ef einhver svara 2, þá mun fyrra svarið vera gilt, en það er öllum frjálst að nýta sér þá seinna svarið ef þeim þóknast. Ég mun vera aðaldómari á vafaatriði...
Venga framkvæmda á síðunni verður hún í einhverju rugli á meðan... (ég er að prófa mig áfram hvernig á að hafa þetta)
Jæja þá er maður búinn að ganga frá því að ég er búinn að kaupa allar jólagjafir og það á bara eftir að pakka nokkrum þeirra inn. Annars er voða lítið að segja frá í gær, það var ekkert að gerast hjá mér, en það er gaman að sjá að tagborðið hjá mér er í mikilli notkun þessa dagana og bara gaman að því. En það er líka mjög vinsæl könnun hérna í gangi, síðast þegar að ég kíkti voru komin 840 atkvæði í hana...
Í gær fór ég í bíó, á myndina Finding Nemo með ensku tali. Ég verð að segja að þetta er bara mjög skemmtileg mynd. Ég á örugglega eftir að kaupa mér hana þegar að hún kemur út. Síðan eftir bíóið fórum ég og Viggi bara á djammið. Byrjuðum á að kíkja á djammið hjá viðskiptafræðideildinni, sem var eiginlega ekkert spes, þannig að við kíktum á Nasa. Þar var eiginlega ekkert fólk, þannig að við fórum fljótlega annað. Þriðji staðurinn sem við fórum inn á var Glaumbar, þar hittum við síðan Pétur og eitthvað lið sem var með honum og við vorum heillengi þar og skemmtum okkur bara mjög vel. Síðan skildu leiðir og ég rölti á einhverja fleiri staði, en endaði síðan bara á því að fá mér pizzu í Pizzaturninum. Fór síðan bara heim um 7 leitið og mætti síðan í vinnu klukkan 1...
jæja, það er líka kominn tími til að skifta um skoðunnarkönnun, en niðurstaðan úr síðustu könnun var þessi:
Ég vil líka taka það fram hér hvað nýji Muse diskurinn, Absolution er hrein og klár snilld, hann ætti að vera til á öllum heimilum finnst mér...
Jæja, þá er það bara loksins kominn tími til að seta eitthvað hérna inn, en við skulum bara byrja á því hvað ég hef verið að gera síðustu daga. Maður er búinn að skreppa í bíó, pool og fleira. Fyrri pool ferðin fór svo að ég vann 2 af þremur leikjum, en seinni pool ferðin fór þannig að ég tapaði öllum 3 leikjunum (bömmer). Síðan hefur maður verið að gera slatta af einhverju svona sem er lítið hægt að segja frá, eins og að rölta um kringluna og smáralindina til að kaupa jólagjafir, flestar hafa þó verið ekki frá mér, ég fór á miðvikudaginn og keypti allar sem mig vantaði, síðan fór það þannig að ég var að drekka á miðvikudagskvöldið...
5000 bls síðar, er ég loksins búinn í síðasta prófinu...
Jæja, núna sé ég geðveikt eftir að hafa ekki farið á Muse, ég hefði skemmt mér mikið betur þar en hérna heima að læra, síðan græddi ég ekkert á því í gær að sleppa þessu, var bara að svara fólki sem var að hringja í mig og leyfa mér að hlusta. Þá hugsar maður, afhverju var ég ekki bara þar, eitthvað að reyna að plata sjálfan mig að ég yrði eitthvað að læra á meðan að tónleikarnir væru í gangi, þvílíkt bull og vitleysa. Ég veit bara betur næst, ég verð á tónleikunum, ekkert að þykjast að verða gera eitthvað annað...
Nú sit ég hér og læri, vorkenni sjálfum mér að vera ekki á Muse tónleikum, en það eru þeir tónleikar sem ég hefði ekki viljað missa af, þetta er ekkert smá góð hljómsveit. En þá spyr maður sig, afhverju er ég ekki þar. Það eru aðalega tvær ástæður. Fyrri ástæðan er sú að ég var að læra fyrir próf, þegar fólk var að bíða í röð eftir að geta keypt miða. En ég hefði jú getað sent einhvern fyrir mig að kaupa miða, það er ekki eins og mig hafi vantað peninginn fyrir það. En seinni ástæðan er akkurat sú að núna á meðan tónleikarnir eru, þá er ég að læra undir próf. Það er ekki alltaf tekið út með sældinni að vera í skóla, ef maður talar nú ekki um Háskólan. Þannig að það er ekki hægt að segja annað en að lærdómur hefur leitt það að verkum að ég er ekki á þessum tónleikum núna...
Það bara spratt úr mér viltleysan áðan, ég hélt að ég væri bara að fara að skáka honum Tobba við með allari þessari vitleysu, en það verður bara að bíða betri dags. Það er nú ekki alltaf sem það er hægt að skáka meisturum (Þessa dagana er það aðalega Tobbi, en það getur líka verið Beggi eða Jónsi þegar að þeir taka sig til). Var alveg kominn með minn lengsta blogg texta ever, en þegar ég gerðu publish, var ég beðinn að loga mig inn aftur og allur textinn horfinn, mig er skapi næst bara að leggjast á koddan minn og fara bara að gráta núna, en þar sem ég er svo þreyttur, þá ætla ég bara að láta mér nægja að fara að sofa. En ef mér dettur vitleysan í hug aftur, þá set ég hana bara inn á morgun, núna ætla ég sko að fara að skrifa textana í word svo að þessir snildar textar hverfi ekki svona, því að bloggerinn er eitthvað að reyna að ritskoða það sem ég segi. Mér finnst það bara svindl, því að það eru til margir góðir pennar, þar sem vitleysan bara rennur út úr þeim, en ég þarf að hafa fyrir því að fá vitleysuna til að renna, þannig að við viljum ekkert blogg sem ritskoðar bullið mitt...
Jæja, þá er maður valla búinn að vera að gera neitt annað en að læra síðustu daga, þó með einhverjum undantekningum, skroppið aðeins út og hitt vinina og svona. Bara til að fá smá frí frá lærdómnum og finna að maður sé á lífi. Það er svosem ekkert merkilegt að segja frá eins og er, gæti núna frætt ykkur um það hvernig maður á að vera góður stjórnandi, en það var semsagt það sem ég var að læra fyrir prófið á laugardaginn. Síðan gæti ég tekið ykkur í smá kennslustund í þjóðhagfræði, en það er prófið sem ég er að fara í á morgun. Þarf meira að segja að fá 6,5 á prófinu til að ná. síðan eftir morgundaginn, þá get ég farið að bulla í ykkur um stærðfræðina. Vá hvað ég hef ekkert að segja eftir allan þennan próflestur...
Þá er fyrsta prófið mitt lokið á þesari önn, það var svolítið sem kom upp þannig að ég gat ekki lært fyrir það eins og ég ætlaði, sá vandi var reyndar einnig að trufla mig í prófinu, en ég vona að það hafi ekki haft of mikil áhrif. Vona bara að ég hafi náð þessu, það verður bara að koma í ljós, en ég held að mér hafi bara gengið allt í lagi í þessu...
Spurning 1:
Þá er maður búinn að vera að lesa og lesa fyrir prófið á laugardaginn. Svona rétt fyrir háttinn ákvað ég að kíkja aðeins á netið og tók þessa könnun, en það var líka ánægjulegt að það var hreyfing á blogginu hjá madmomo, ekki það að hún hafi verið lengi frá en ég var strax farinn að sakna hennar. En nú er ég farinn að sofa...
Þá er komið að því að skifta um könnun, það var ekki margir sem tóku þátt í síðustu könnun, en það var 1 sem hefur farið til miðils, 3 sem höfðu ekki farið og 3 sem hefðu áhuga á að prófa það...
Ég tók þetta próf hérna áðan að ganni, en ég veit ekki hvort ég á að vera ánægður með þessa útkomu eða hvort ég eigi bara að leggjast á koddan og fara að gráta. En ég er nú alls ekki Antisocial, síðan bara veit ég ekki hvað "Histrionic" eða "Narcissistic" þýðir, en annars er aldrei að vita, bara að hafa gaman að þessu...
| Personality Disorder Test Results
|
Það er bara verið að læra þessa dagana, þannig að maður hefur ekkert að segja, vona að þetta geti skemmt ykkur eitthvað á meðan ég hef frá litlu að segja, síðan fer að aukast við þetta aftur þegar að próflestrinum fer að ljúka...
