Nýtt blogg

Ég vildi breyta til og fékk mér nýtt blogg, það þýðir samt ekki að ég sé eitthvað að fara gera einhverjar dramatískar breytingar á blogg stíl mínum, vildi bara aðeins breyta til...

nýja bloggið

Lítið að segja

Ég var að koma úr smá ferð út fyrir höfuðborgarsvæðið og er maður ansi þreyttur eftir hana. Ég tók eftir því að einhver hafði commentað á síðasta póst og var sá ekki mjög hress með síðustu færlsu...

Hann var ekki par sáttur við hana og hef ég þurkað hana út núna að hans beiðni, hins vegar hefði kannski verið réttast hjá mér að ummorða þá færslu í byrjun svo að hún yrði ekki svona miskilin af einstaklingum sem koma sjaldan inná síðuna og skilja ekki mínar pælingar á efninu. Þannig að ég tek það til mín að færslan hefði ekki verið rétt orðuð...

Annars er ég bara svo þreyttur núna að ég mun ekki nenna að fara yfir þá grein og ummorða hana heldur mun ég bara henda henni út og þykir það leitt ef einhver hefur misboðið það sem ég skrifaði í þeirri grein...

Rétt er það að einstaklingar eigi fá að hafa sín mál í friði og ekki sé alltaf að marka allt í blöðunum og aftur ber ég við mig því að hægt hefði verið að ummorða greinina betur þannig að fólk sem kæmi hér inn og les þetta hefði skilið betur hvert ég ætlaði fara með að skrifa þessa grein...

Bloodhound Gang

Við kíktum á tónleikana í gær, það var ég, Silla, Kata og Elli sem fórum þar sem að Viggi þorði ekki að fara án þess að hafa Ingunni til að passa sig. Þetta voru fínir tónmleikar, það var gaman að heyra þessu gömlu góðu slagara með þeim og einnig voru þeir með fíflalæti til að auka skemmtanagildið. En það verður að segjast að ekki var eins mikil stemming þarna og þegar þeir komu síðast og við fjögur sem fórum saman höfum eflaust hækkað meðalaldurinn eitthvað, þó að maður sá nokkra sem voru eldri en maður sjálfur, þá voru þetta mest megnis krakkar sem voru þarna. En ég segi að þetta hafi verið ágætis skemmtun og skemmtileg upplifun að fara á þessa tónleika...

Jæja þá er ég búinn í sumarprófunum :)

Síðast þegar ég bloggaði var einhverntíman í júlí, en þar sem það er búið að vera svo mikið að gera hefur maður ekki haft tíma til að koma einhverju að hérna...

En það er kannski hægt að byrja á því að segja að ég og Silla fórum til Eyja um verslunamannahelgina, það var geðveikt stuð alveg þangað til að við komumst að því að tjaldið var orðið ónýtt. Þá fór maður á smá bömmer, maður getur þó sagt að maður skemmti sér vel í Eyjum og svaf í ónýtu tjaldi. Það er allavega ný lífsreynsla, en við ákváðum að fara fyrr heim til að þurfa ekki að sofa aðra nótt í ónýtu tjaldi...

Síðan er bara búið vera að vinna og læra undir próf. Fyrra prófið gekk nú ekki nægilega vel, en þannig er það bara stundum. Síðara prófið sem ég tók í gær var ég sáttari með og held að ég sé búinn að ná því, en það verður bara koma í ljós...

Síðan fórum við Silla á veitingastaðinn Kínahofið til að halda uppá próflokin hjá mér, ég verð bara að segja að ég er mjög sáttur með matinn þar. Allavega fær maður alltaf góðan mat þegar maður kemur þar, þó að súpa dagsins í gær hafi ekki verið alveg að gera sig (Eggjadropasúpa, virtist vera súpa úr eggjahvítu, bragðaðist allavega þannig). Þannig ef einhver vill prófa þá mæli ég allavega með þessum veitingastað...

og já

Ég er búinn að bæta við link á bróðir minn hér til hliðar, en hann er eitthvað að reyna okkur fylgjast með hvernig honum gegngur að búa úti...

Karlinn lifir

Já ég er lifandi ennþá, svolítið þreyttur eftir mikla vinnu síðasta mánuðinn!!! En núna fer aðeins að slakna á vinnunni, þar sem að mínir dagar á Hróa eru á enda. Það var kominn tími á að fara loka þeim kafla í lífi mínu, en hann spannar alveg sjö ár. Núna tekur bara við að fara á fullt að læra fyrir prófin sem ég er að fara í í ágúst, annars veit ég núna að prófin sem ég er að fara í eru 15 og 23 ágúst...

Annars er voða lítið að frétta, hún Silla er að fara til Krítar næsta mánudag. Þannig að ég verð bara einn í viku og að auki í fríi 5 daga af þessum 7, kannski að maður geri eitthvað skemmtilegt á meðan hún er úti...

Annars verð ég nú bara að segja að þetta er búið að vera krappy sumar, þar sem það er bara alltaf rigning og ekkert gott veður. Var eitthvað að skoða hvað veðurstofan sagði um veðrið í sumar og það voru ekkert sérstakar tölur, allt sem var talað um rigningu þá er það alltaf yfir meðallagi...

Sumarvinnan

Nú er að verða komin vika síðan að ég byrjaði að vinna á ylströndinni í Nauthólsvík, það er bara fínt, síðan er maður búinn að vera duglegur að hjóla bara í vinnuna. Þannig að það fer kannski að styttast í það að maður verður kominn í gott form :) Annars er mjög lítið að frétta, maður er bara farinn að bíða eftir að fara að heyra einhverjar niðurstöður úr prófunum. Síðan var maður að reyna að plana einhvern dinner handa Ella, Vigga og dömunum þeirra, en þeir hafa ekkert látið heyra í sér með það hvort þeir séu lausir þann dag. Síðan jú er ég að fara á 3 daga strandvarðar námskeið núna í næstu viku, þannig að maður er kannski ekki alveg farinn að slappa af í blíðunni sem er að koma með sumrinu (það er í lagi á meðan að blíðan er ekki komin)...

Prófin búin og sumarið tekið við...

Ég kláraði síðasta prófið mitt á föstudaginn og er búinn að vera að stússast eitthvað heima auk þess að vera að vinna og svoleiðis um helgina. Byrjaði á því að koma rúminu sem við keyptum heim og setti það síðan saman í gær, einnig keypti ég varahluti fyrir hjólið mitt og gerði við það.

Það er fyndið frá því að segja að þegar þú ert búinn að eiga hjól sem er búið að vera sprungið á, í einhver 8 ár líklegast, þá er gúmmíið í dekkjunum ekki ýkja mjúkt. Það má eiginlega segja að dekkin hafi nánast verið að brotna af þegar ég var að taka gömlu dekkin af...

Annars er planið bara að vera duglegur að hjóla í vinnuna í sumar og síðan kannski hreyfa sig eitthvað með og vera þannig bara í ágætis formi. Síðan er ekki slæmt að ég verð í vinnu sem fylgir mikil útivera, þar sem maður er nú að fara að vinna í Nauthólsvík. Þannig að sumarið leggst bara vel í mann...

Mikið að gerast í dag

Ég er búinn að vera að læra eins og vitleysingur undanfarið, því að ég var á leið í próf í dag. Síðan mætti ég í prófið og stóð mig bara vel að ég held...

Eftir prófið skelltum við Silla okkur í búð og splæstum á okkur 160 þús. króna rúm sem við fengum þó með svolitlum afslætti...

Á leiðinni heim eftir verslunarferðina fæ ég sms um að ég sé kominn með einkunn úr einum kúrsinum, viti menn haldiði ekki að kallinn hafi ekki bara fengið 8 í aðferðum í tómstundafræði...

Ein könnun

This Is My Life, Rated
Life:	8.1
Mind:	8.3
Body:	8
Spirit:	6.7
Friends/Family:	6.8
Love:	7.7
Finance:	7.7
Take the Rate My Life Quiz